Бизнис
Српските овоштари ја одредија дневницата за берење малини
27.05.2024
Бербата на малини во западна Србија ќе започне за еден месец, а овоштарите се подготвени да платат дневница за сезонските работници од пет до шест илјади динари. Одгледувачите на малини во Србија се жалат за недостиг на квалитетни работници за претстојната берба, која се проценува да биде послаба во однос на минатата година. Причината е пролетниот мраз со што се намали и родот на малината, објави „Еуроњуз Србија“.
Претседателот на Асоцијацијата на одгледувачи на малини во Србија Добривоје Радовиќ е загрижен за висината на откупната цена за годинашниот род.
- Да видиме колку ќе има да се набере малина . Засега имаме од 50 до 70 отсто помалку малина на пазарот во Србија. Годинава најголем проблем е намалениот род и цената за откуп, изјави Радовиќ.
Минатата година откупната цена за малината изнесуваше 200 динари, а годинава овоштарите очекуваат пореална цена од 400 динари, со тенденција на зголемување. Пред две години цената на малината се движеше од 500 до 600 динари.
фото freepic