Бизнис
Евровизија го зголеми интересот кај скандинавските туристи за одмор во Хрватска
13.05.2024г.
Од туристичките пазари во Скандинавија, Германија, Франција, Чешка, Словачка и од Кина има зголемена резервации за престојување на хрватското крајбрежје, информираат од Хрватската туристичка заедница.
На зголемената побарувачка од Шведска влијаеше и подобрата перцепција на шведските граѓани за летување во Хрватска, по одржувањето на Евровизија во Малме и добриот пласман на хрватскиот натпреварувач, како и многуте написи во шведските медиуми. Изминатите недели од Хрватската туристичка заедница ги засилиле промотивните активности на овој туристички пазар, но и во другите нордиски и балтички земји.
- На овие пазари расте интересот за летување во Хрватска со отворање на нови авионски линии. Се повеќе се вклучуваат и индивидуалните туристи каде има зголемување до 20 отсто, вели Ведран Сушиќ, директор на ХТЗ за агенцијата „Хина“.
Најголема конкуренција на Хрватска на скандинаскиот пазар се Шпанија, Грција и Турција, кои имаат сличен раст на извршени резервации за годинашната летна сезона.