Бизнис
Прекинат растот на цената на кафето во ЕУ
11.05.2024г
Стапката на раст на потрошувачките цени на кафето во Европската Унија се намалува во текот на изминатата година и половина и изнесуваше еден процент во март во споредба со 13,5 проценти во март 2023 година, објави Евростат.
Цената на кафето се намалува од октомври 2022 година, кога го достигна врвот на раст од 17,4 отсто, по остриот пораст што започна во октомври 2021 година, кога беше два отсто.
Иако растот на цените на кафето во ЕУ генерално е забавен, постојат значителни разлики на ниво на земјите-членки.
Во 15-те земји на ЕУ, стапката на инфлација на кафето во март 2024 година е повисока отколку во март 2023 година, а најголем раст на стапките на инфлација е забележан во Хрватска (7,4 отсто), Романија (6,8) и Бугарија (6,6). Другите 12 земји од ЕУ забележаа пад на цената на кафето во март 2024 година, а највисоки негативни стапки на инфлација беа забележани во Финска (15,5 отсто) и Литванија (15,4), потоа Данска (7,5), Чешка (6,5 ) и Шведска (6,0).
фото freepic