Бизнис
Странските работници ја зголемија вработеноста во Хрватска
07.05.2024г
Последните податоците за бројот на осигуреници во Хрватскиот завод за пензиско осигурување покажуваат дека е постигната највисоката вработеност во земјата во последните три децении. Во април годинава во Хрватска бројот на вработени надмина 1,69 милиони и во однос на претходната година е зголемен за околу 52 илјади. На зголемувањето на бројот на вработените од три отсто влијаат и новите вработувања на странските работници. До крајот на април, според податоците на хрватското министерство за внатрешни работи, биле одобрени вработување за 73.000 работници од странство.
Во април годинава во Хрватска се издадени нови 21 илјада дозволи за престој. Најбројни странски работници во Хрватска доаѓаат од Непал (13,7 илјади работници). Но во април на прво место се работниците од Босна и Херцеговина, кои достигнаа 14.000. На трето место е Србија со десет илјади работници, па следат Индија (со седум илјади), Филипини (пет илјади), потоа од Македонија, Бангладеш, Косово, Узбекистан и од Египет.
Странските работници нјмногу се ангажирани на градилиштата во Хрватска, а во овој сектор се издадени 25.000 работни дозволи. Со приближување на туристичката сезона расте бројот на странските работници во туристичкиот сектор, за што се одобрени 23.000 работни дозволи за странци, пренесува „Пословни дневник“.
фото freepic