Бизнис
ИЕА: Кина води во отворање на нови капацитети на соларна енергија
07.05.2024г
Минатата година сончевата енергија учествуваше со 75 отсто во отворањето на новите капацитети на обновливи извори во светот. Најголемиот раст се оствари во Азија, Европската Унија и САД. Од 2022 година, вкупниот инсталиран капацитет во Кина изнесува 393 гигавати (GW), во Европската Унија е 205 GW и во САД изнесува 113 GW.
Од 2017 година Кина има остварено вкупна годишна стапка на раст од 25 отсто во инсталирањето на фотонапонски капацитетит, а САД забележа раст од 21 отсто и ЕУ со раст од 16 отсто.
Кина доминира и во производството на компоненти за соларна енергија и моментално „контролира“ 80 отсто од синџирот за снабдување со соларни панели во светот.
Во 2023 година кинеската соларна индустрија вработува 2,76 милиони лица кои се ангажирани во непосредното производство, градежништвото и инсталирање на сончеви панели.
Во ЕУ во соларната индустрија се вработени 648 илјади работници, а во САД има 264.000 работни места.
Според Меѓународната агенција за енергија (ИЕА), Кина располага со 60 отсто од новите обновливи капацитети на енергија кои ќе бидат оперативни во 2028 година, пренесе Б92.
фото freepic