Бизнис
Повеќе од 13 милиони невработени во ЕУ, три милиони се млади луѓе
05.05.2024г
Во март годинава сезонската стапка на невработеност во еврозоната изнесуваше 6,5 отсто, што претставува намалување од 0,1 процентен поен во однос на истиот месец лани. Според проценката на Евростат, во март годинава во Европската Унија биле невработени 13 милиони и 258 илјади луѓе , од кои 11 милиони и 87 илјади во еврозоната.
Стапката на невработеност во Европската Унија во март годинава изнесуваше шест отсто, а во февруари изнесуваше 6,1 отсто. Споредено со февруари годинава, невработеноста во ЕУ е намалена за 74 илјади и во еврозоната за 94 илјади. Во однос на март минатата година, невработеноста во ЕУ е зголемена за 175 илјади, а во еврозоната е намалена за 51 илјада.
Во март во ЕУ бројот на невработени млади луѓе (на возраст под 25 години изнесува 2,8 милиони , од кои 2,2 милиони се во еврозоната.
Стапката на невработеност кај младите во март беше 14,6 отсто во ЕУ, наспроти 14,7 отсто во февруари. Во однос на февруари годинава, невработеноста кај младите е намалена за 11.000 во ЕУ и за 30.000 во еврозоната. Во споредба со март 2023 година, невработеноста кај младите се зголемила за 150.000 во ЕУ и за 36.000 во еврозоната, пренесе „Данас“.
фото freepic