Бизнис
Грција со најмногу вработени кои работеле над 49 часа неделно
04.05.2024г
Во Европската Унија во 2023 година 7,1 отсто од вработените работеле 49 или повеќе часови неделно. Во Грција има најмногу работници со надолго работно време односно 11,6 отсто, а потоа следи Кипар со 10,4 отсто и Франција со 10,1 отсто, покажуваат податоците на Евростат.
Најмал број на работници со „подолго“ работно време е забележан во Бугарија, 0,4 отсто, како и во Литванија и Лeтонија , по 1,1 отсто.
Една третина од лицата со самовработување (29,3 отсто) работеле над 49 часа во неделата, а кај вработените лица овој процент изнесува 3,6 отсто.
Вработените со полно работно време во Европската Унија во првиот квартал во 2023 година работеле во просек 40,4 часа неделно. Меѓу вработените кои оствариле поголем број на работните часови се квалификуваните лица во земјоделството, шумарството и рибарството, како и раководните кадри, пренесува „Еуроњуз“.
фото freepic