Бизнис
Е-трговијата во Европската Унија станува се популарна
04.05.2024г
Бугарите најмалку купувале преку интернет
Последните неколку години купувањето преку интернет станува се помасовно во Европската Унија , а во 2023 година 75 отсто од граѓаните изјавиле дека купиле или нарачале производи или услуга преку е-трговија. Во 2013 година купувањето преку интернет изнесувало околу 57 отсто.
Минатата година учеството на корисниците во интернет трговијата во Бугарија изнесувал 54 отсто, во Романија 55 отсто до 93 отсто во Холандија и Ирска.
Е-трговијата е најпопуларна меѓу лицата на возраст од 16 до 24 години со 82 отсто учество, а кај лицата на возраст од 25 до 64 години е околу 78 отсто. Околу 52 отсто од луѓето на возраст меѓу 65 и 74 години купувале онлајн, пренесува „Фајнанс.хр“.
Во последните три месеци од 2023 година преку е-трговија во Европската Унија најмногу се купувале облека, обувки и други додатоци. Околу 36 отсо купиле влезници за културни и други настани, 35 отсто преземале филмови , а во приближен процент биле и набавките на храна, изнајмување на соби, плаќање на билети за превоз или купување на козметички производи.
Купувачите од Кипар најмногу купувале облека преку интернет (82 отсто). Еден од тројца купувачи имале проблеми со купувањето на интернет. Околу девет отсто од забелешките се однесуваат на неквалитетен производ или извршена услуга, а 19 отсто од купувачите не биле задоволни од брзината на испораката на производот.
фото freepic