Бизнис
Затворено најголемото европско наоѓалиште на природен гас
26.04.2024г.
Холандија денеска официјално го затвори полето за гас во Гронинген откако властите донесоа одлука за прекинување на операциите за бушење на наоѓалиштето за да се намалат ризиците од земјотреси во северниот дел на земјата.
Од октомври 2023 година, експлоатација на природен гас се вршеше со намален капацитет со цел на намалување на ризикот од потреси на земјиштето кои причинуваа материјални штети на околните згради, пренесува РТ Балкан
Сепак, 11 резервоари на гас остануваат отворени во случај на силни зими и неизвесноста од снабдувањето со овој енергент поради војната во Украина.
Најголемото наоѓалиште на гас во Европа е отворено 1963 година и придонесе за силен раст на холандската економија. На овој терен се уште има големи резерви на природен гас. Досега се произведени повеќе од 50 милијарди кубни метри гас. Од 1986 година во регионот се регистрирани 1.600 земјотреси, кои оштетиле 85.000 згради.
фото freepic