Бизнис
Австралија, САД, Канада, Велика Британија и Германија се најпосакувани земји за вработување
25.04.2024г
Австралија, САД, Канада, Велика Британија и Германија се најпосакувани земји за вработување. Во анкетата која била спроведена меѓу 150.000 работници во 188 држави во светот, Германија е на петто место за најпопуларни земји за барање нова работа и прва во која не се зборува на англиски јазик. Но затоа вработените лица во Германија не сакаат да заминат на работа во друга земја. Околу седум отсто од анкетираните германски работници (меѓу нив имало и доселеници) како поповолна дестинација за работа би ја одбрале Швајцарија и Австрија, покажала анкетата која била спроведена од октомври до декември минатата година од консултантската фирма Бостон консалтинг груп.
Вкупно гледано во земјите во просек помалку од една четвртина од вработените лица активно барале работа во странство, а повеќе од 60 отсто искажале начелна согласност да се иселат поради вработување.
Подготвеноста кај граѓаните во Италија, Велика Британија и САД за заминување во странство е повисока во однос на вработените во Германија.
Желбата за работа во други земји е најизразена во Гана со 74 отсто, во Индија со 54 отсто и во Турција со 35 отсто.
Процентот за подготвеноста за преселување кај висококвалификувани работници е слична со оној на неквалификуваните работници. Како главен фактор на иселување бил наведен подобрите услови за работа.
На глобално ниво најпосакувани градови за работа се Лондон, Амстердам и Дубаи. Берлин се наоѓа на шесто место на оваа листа посакувани градови, пренесува „Бизнис.рс“.
фото freepic