Бизнис
Туристите во Хрватска трошат четири пати помалку отколку во Франција
24.04.2024г.
Хрватскиот туризам се соочува со ограничување на натамошниот раст, предупредуваат од Хрватското здружение на работодавачи. Хрватска има само 15 отсто од креветите во хотелското сместување. Во Грција во хотелите располагаат со 71 отсто од вкупниот капацитет на креветите, Италија располага со 43 отсто и во Шпанија 53 отсто од креветите се во хотелски капацитети.
Поради тоа Хрватска има релативно ниска потрошувачка на туристите или 150 евра за еден ден во споредба со потрошувачката во Италија и Шпанија, каде туристите во просек трошат околу 250 евра на ден. Во Франција туристите трошат повеќе од 550 евра на ден, се наведува во анализиата на Хрватското здружение на работодавачи.
Од оваа организација предупредуваат дека постојното темпо на раст на туристичките приходи во Хрватска на подолг ток се неодржливи, пишува „Нови лист“.
- Со цел на подигнување на додадената вредност во туризмот треба забрзано и силно да се поттикнат инвестициите кон организираното сместување и со тоа да се реши проблемот со најлошата структура на сместување на Медитеранот, се наведува во анализата на главниот економист на ХЗР Хрвое Стојиќ.
фото freepic