Бизнис
АД ЕВРОПА Скопје ги определи износот и датумите за исплата на дивиденда
16.04.2024г
АД ЕВРОПА Скопје донесе предлог - одлуки за Собранието на акционери кое ќе се одржи на 15.05.2024 година (среда) за определување на износ и датуми за исплата на дивиденда. Според одлуката се одобрува исплата на дивиденда од добивката на друштвото во 2023 година во бруто износ 11.501.700 денари.
Дивидендата во бруто износ по акција ќе изнесува 50 денари.
Дивидендата ќе се исплатува во пари на трансакциска сметка на акционерите.
Датумите за исплата на дивиденда се утврдуваат по следниот дивиденден календар
- Последен ден на тргување со право на дивиденда 03.06.2024 година;
- Прв ден на тргување без право на дивиденда 04.06.2024 година;
- Датумот на евиденција според кој се определува листата на акционери кои имаат право на дивиденда 05.06.2024 година.
Дивидендата ќе се исплати во законски предвидениот рок, а најдоцна до 30.09.2024 година, се вели во соопштението објавено на Македонската берза.