Вести
„ТРИГЛАВ“ СО ИНОВАЦИИ ВО ОСИГУРУВАЊЕТО − НОВ ПАКЕТ ЗА ЗДРАВСТВЕНО ОСИГУРУВАЊЕ
блиц Македонија
„Триглав Осигурување“ месецов, поточна на Светскиот ден за борба против ракот, воведе нов промотивен пакет за осигурување во доменот на доброволното приватно здравствено осигурување наменет за резидентниот и за корпоративниот сегмент. „Ес-о-ес“ (SOS) пакетот на „Триглав“ е едноставно и достапно решение за здравствена заштита за сите кои сакаат да го заштитат своето и здравјето на своите најблиски. Можат да го користат физички лица, индивидуално или пак за своите семејства, како и компаниите за заштита на своите вработени. „Доброволното приватно здравствено осигурување е стратешки проект на ’Триглав‘ во чиј развој континуирано вложуваме. Состојбите на пазарот и можностите на клиентите се секако основа во развојот на новите производи. Овој пат се фокусиравме на непланираните здравствени предизвици со кои секој од нас може да се соочи и кои ни носат не само сериозни здравствени проблеми туку и потполно непланирани финансиски последици“, изјави главниот извршен директор на „Триглав Осигурување“, г. Ѓорѓе Војновиќ. Новиот „Ес-о-ес“ (SOS) пакет обезбедува покритие за операции до 10 000 евра, со подлимит од 5 000 евра за тешки болести кој се исплаќа еднократно.