Финансии / Банкарство
ЗА ОДБРАНА НА ДИНАРОТ ПРОДАДЕНИ СЕ 725 МИЛИОНИ ЕВРА, намалени бруто девизните резерви на НБС
12.01.2026
Бруто девизните резерви на Народната банка на Србија (НБС) изнесуваа околу 29 милијарди евра на крајот на декември 2025 година, а во споредба со крајот на ноември, се намалија за 358,3 милиони евра, објави денес НБС.
Народната банка продаде 725 милиони евра нето на меѓубанкарскиот девизен пазар во декември, а во 2025 година продаде 580 милиони евра нето со цел да ја одржи релативната стабилност на девизниот курс на динарот во однос на еврото.
Нето девизните резерви на крајот на декември изнесуваа 24,63 милијарди евра, а во споредба со крајот на ноември, тие се помалку за 339,4 милиони евра, а во споредба со крајот на 2024 година за 57,2 милиони евра.
Одливи од девизните резерви во износ од 825,0 милиони евра во декември се остварени врз основа на интервенции на НБС на домашниот девизен пазар преку продажба на девизи, а други одливи се остварени врз основа на плаќања за потребите на државните органи и други девизни обврски во вкупен износ од 121,8 милиони евра.
Приливите во девизните резерви во декември се остварени врз основа на девизни кредити и продажба на државни хартии од вредност на домашниот финансиски пазар во нето износ од 465,2 милиони евра, како и врз основа на управување со девизните резерви, издвојување на задолжителни девизни резерви на банките, донации и по други основи во нето износ од 115,6 милиони евра.
Во декември минатата година, динарот номинално зајакна во однос на еврото за 0,1 процент, додека од почетокот на годината е забележано номинално слабеење на динарот во однос на еврото за 0,2 проценти.
Фото Економија и бизнис