Финансии / Банкарство
БЕРЗИТЕ ВО ПОРАСТ ПО НАЧЕЛНИОТ ДОГОВОР ЗА ТРГОВСКАТА РАМКА МЕЃУ САД и КИНА
11.06.2025
Преговарачките тимови на САД и Кина постигнале начелна согласност за заедничка рамка за надминување на трговските разлики, која сега треба да биде одобрена од претседателите Доналд Трамп и Си Џинпинг.
- Двете страни се согласија на заедничка рамка и ќе ја презентираат пред своите лидери, изјави кинескиот претставник за меѓународна трговија Ли Ченган по дводневната средба во Лондон.
Американскиот министер за трговија Хауард Латник објасни: „Ние ќе се вратиме и ќе разговараме со претседателот Трамп за негово одобрување, а тие ќе направат истото со претседателот Си.“
Клучно прашање во преговорите се ретките земните метали од Кина – стратешки суровини за батерии, ветроелектрани и одбранбени технологии. САД бараат враќање на обемот на испораки на ниво што бизнисите го сметаат за оптимален, истакна економскиот советник Кевин Хасет.
Вредноста на акциите порасна во вчерашното тргување на берзите, бидејќи инвеститорите се надеваа на позитивно решение за трговските разговори меѓу САД и Кина.
Индексот Dow Jones се зголеми за 105,11 поени, или 0,25%, затворајќи на 42.866,87. S&P 500 порасна за 0,55% и го заврши тргувањето на на 6.038,81, додека Nasdaq Composite „порасна“ за 0,63% и заврши на 19.714,99, пренесе Сеебиз.