Кристин Лагард ќе се повлече од функцијата претседател на Европската централна банка (ЕЦБ) на 7 февруари 2027 година, околу девет месеци пред крајот на нејзиниот осумгодишен мандат.

Според соопштението, Лагард за својата одлука го информирала Управниот совет на ЕЦБ и претседателот на Европскиот совет, Антонио Кошта.

Лагард го информирала Управниот совет на ЕЦБ, кој ги одредува каматните стапки во еврозоната, како и претседателот на Европскиот совет, Антонио Кошта, за својата одлука, соопшти банката. ЕЦБ не ја наведе причината за нејзиното заминување, пишува Еуроњуз.

Претседателот на Европскиот совет, Антонио Кошта, ѝ се заблагодарил на Лагард за нејзината служба, пофалувајќи ја нејзината „посветеност на позицијата претседател на Европската централна банка од ноември 2019 година“.

„Со цел да се обезбеди непречен премин кон новото раководство на ЕЦБ, процесот на назначување на нејзин наследник ќе започне денес и ќе се одвива без одложување“, рече Кошта.

Нејзиниот наследник ќе го назначи Европскиот совет, кој ги собира лидерите на Европската Унија.

Според правилата на ЕУ, претседателот се назначува со квалификувано мнозинство гласови, врз основа на препораката на министрите за финансии на ЕУ и по консултација со Европскиот парламент и Управниот совет на ЕЦБ.

Кристин Лагард е на чело на банката од јули 2019 година и ќе ја напушти функцијата пред крајот на нејзиниот мандат во октомври 2027 година. Нејзиниот наследник ќе биде назначен на ниво на Европскиот совет, по спроведување на постапката за номинирање предвидена во член 283 од Договорот за функционирање на Европската Унија.

Управниот совет на Европската централна банка ѝ се заблагодари на Лагард за нејзината работа, со продолжен аплауз, соопшти ЕЦБ на својата веб-страница.

Фото Економија и бизнис