Бизнис
Цената на барел нафта на меѓународните пазари надмина 68 долари
17.02.2026
Цените на нафтата на меѓународните пазари вчера надминаа 68 долари, што ја одразува зголемената нервоза на инвеститорите пред новата рунда американско-ирански нуклеарни преговори во Женева.
На лондонскиот пазар, барел нафта се тргуваше по 68,41 долари за 66 центи повеќе отколку на крајот на минатата недела. На американскиот пазар, барелот беше за 65 центи поскап и чинеше 63,54 долари.
Расположението на почетокот на оваа недела го промени најавата за нова рунда американско-ирански нуклеарни преговори, кои треба да продолжат утре во Женева, според агенциите.
Како што беше претходно најавено, иранскиот министер за надворешни работи, Абас Аралчи, денеска ќе разговара со американските претставници Стив Виткоф и Џаред Кушнер со посредство на Оман.
Фото Економија и бизнис