Lifestyle
КИНА ИМА НАЈГОЛЕМА ЖЕЛЕЗНИЧКА МРЕЖА ЗА БРЗИ ВОЗОВИ
27.12.2025
Кина има најголема железничка мрежа во светот, за една петтина подолга од обемот на Земјата
Кинеската мрежа за брзи железници надмина 50.000 километри со отворањето на нова линија денес, долга речиси 300 километри. Новата железничка линија ги поврзува градовите Сиан и Јанан во централната кинеска покраина Шанкси, објави кинеската државна телевизија CCTV.
Новата железничка линија е долга вкупно 299 километри, а патувањето помеѓу двата града трае 68 минути.
Кина има најголема железничка мрежа во светот, за една петтина подолга од обемот на Земјата. Железничката мрежа се прошири за 32 проценти во споредба со 2020 година, соопшти денес Кинеската железница. Кинескиот брзи воз C9309 се движи со брзина од 350 километри на час, што го прави побрз од јапонскиот Шинкансен, кој достигнува максимална брзина од 320 километри на час, пренесува Сеебиз.
Фото Економија и бизнис