Финансии / Банкарство
Кои беа најтргуваните акции на Македонската берза во ноември 2025г.?
08.12.2025г
Месечен извештај
Минатата месец, ноевмри 2025г, на Македонската берза на хартии од вредност на вкупно на официјалниот пазар (акции и обрврзници) и на редовниот пазар, беше остварен вкупен промет од 386 милиони денари или околу 6,27 милиони евра. Овој промет беше реализиран преку 1434 трансакции преку кои се истргуваа вкупно 43 635 акции и 20 120 обврзници.
Најтргувани според прометот беа акциите на Комерцијална банка АД Скопје. Со нивното тргување беше остварен промет од 126,9 милиони денари или околу 2 милиони илјади евра (32,8 % од вкупниот промет). Втори најтргувани акции измината недела беа акциите на Макпетрол Скопје со вкупен промет од 92,1 милиони денари или околу 1,49 милиони евра (23,8 % од вкупниот промет). Потоа следуваа акциите на Алкалоид Скопје со 87,5 милиони денари или околу 1,42 милиони евра (22,6 % од вкупниот промет). Во топ 5 акции според прометот изминатиот месец беа уште и акции на НЛБ Банка АД Скопје со 27,8 милиони денари или околу 452,8 илјади евра и акциите на Гранит Скопје со промет од 12,4 милиони денари или 201,9 илјади евра.