Финансии / Банкарство
ЕУ воведува царина од 10% за мали пакети, во Хрватска во просек се нарачува четири пакети по глава на жител
25.11.2025
Секоја година потрошувачката треска резултира со огромно зголемување на бројот на пратки што пристигнуваат во Хрватска, но од следната година, клиентите ќе се соочат со важна промена при нарачки од надвор од Европската Унија, пишува HRT.
Царинската управа објави дека се воведуваат царински давачки од 10 проценти за мали пакети чија вредност не надминува 150 евра на ниво на целата Европска Унија. Досега, за ваквите пратки се наплаќаше само ДДВ, а примената на новата регулатива треба да започне во март следната 2026 година.
Онлајн купувањето е во полн ек го потврдуваат податоците од канцеларијата за сортирање на Хрватската пошта, низ која дневно поминуваат околу 110 илјади пакети. Ова е огромно зголемување во споредба со периодот од пред пет години, кога оваа бројка изнесуваше 15 илјади пакети дневно.
Сепак, и покрај растот, Хрватска сè уште заостанува зад просекот на Европската Унија. Додека во Хрватска нарачуваме четири пакети по глава на жител годишно, просекот во ЕУ е 11, а во Велика Британија дури 28 пакети по глава на жител. Поради зголемениот обем на работа, Хрватската пошта планира да ја прошири канцеларијата за сортирање, пренесува Индекс.хр.
Фото Економија и бизнис