Финансии / Банкарство
ПЕНЗИОНЕРИТЕ ВО ХРВАТСКА ЌЕ ДОБИЈАТ БОЖИЌЕН ДОДАТОК ОД ШЕСТ ЕВРА ЗА СЕКОЈА ГОДИНА СТАЖ
24.11.2025
Пензионерите за прв пат ќе добиваат постојан годишен додаток на крајот од оваа година. Тој ќе се пресметува како производ од шест евра и годините пензиски стаж. Коефициентот во евра ќе се утврдува одново секоја година, во согласност со буџетските можности, објави владејачката партија.
Како што пишува Хрватскиот сојуз на пензионери, тие биле контактирани од бројни членови кои примаат семејни или инвалидски пензии, или на кои им е признат бенефициран стаж, и биле заинтересирани за тоа каков стаж ќе биде земен предвид. Нивниот додаток ќе се пресметува според стажот што е користен за пресметување на пензијата, без оглед на тоа дали станува збор за старосна, семејна, инвалидска или пензија според посебни прописи, пишува порталот „Моје време“.
За корисници на наследени семејни пензии, нивниот додаток ќе се утврдува според пензискиот стаж врз основа на кој е утврдена пензијата на починатиот корисник, или врз основа на која е утврдена семејната пензија по смртта на осигуреникот.
За пензионерите со попреченост, нивниот вкупен стаж ќе ги вклучува годините на кои работеле, како и таканаречениот додаден стаж кога целосното или делумното губење на работната способност се случило пред шеесетгодишна возраст, пренесува Пословни дневник.
Фото Економија и бизнис