Финансии / Банкарство
ДОЛАРОТ ЈА ЗГОЛЕМИ СВОЈАТА ВРЕДНОСТ, БИТКОИНОТ СО НАЈЛОШ МЕСЕЧЕН РЕЗУЛТАТ
23.11.2025
На глобалните пазари, минатата недела вредноста на доларот порасна за речиси еден процент во однос на кошничката валути, по две недели пад, достигнувајќи го највисокото ниво во последните пет и пол месеци.
Индексот на доларот, кој ја мери вредноста на американскиот долар во однос на шесте главни светски валути, порасна за 0,9 проценти, на 100,19 поени.
Доларот порасна и за 0,9 проценти во однос на европската валута, со што еврото падна на 1,1515 долари. Американската валута порасна и за 1,2 проценти во однос на јапонскиот јен, достигнувајќи 156,40 јени. Индексот на доларот се движи околу највисокото ниво во последните пет и пол месеци, по информациите дека американската централна банка можеби нема да ги намали каматните стапки во декември.
Истовремено, биткоинот е на добар пат кон најлошиот месечен резултат од падот на крипто пазарот во 2022 година. Биткоинот падна за дури 6,4 проценти на 81.629 долари, по неколку падови минатата недела и голема продажба. Крипто пазарот падна за 0,57 проценти во последните 24 часа, продлабочувајќи го неделниот пад од 10,5 проценти. Аналитичарите на водечката глобална платформа за криптовалути ги наведоа екстремниот страв од пазарот и одливот од институционалните ETF како причини за колапсот.
Вкупната пазарна вредност на криптовалутите падна под 3 трилиони долари овој месец за прв пат од април, пренесуваат медиумите во регионот.
Фото Економија и бизнис