Финансии / Банкарство
ЗАБРЗУВАЊЕ НА ЕКОНОМСКИОТ РАСТ И СТАБИЛЕН БАНКАРСКИ СЕКТОР нотира Европската Комисија
05.11.2025
Извештајот на Европската комисија за 2025 година истакнува дека реалниот БДП остварил забрзан раст во 2024 година. Растот е поттикнат од приватната потрошувачка, поддржана од растот на доходите на домаќинствата, како и од зголемените јавни инвестиции во инфраструктурни проекти. Банкарскиот сектор останал стабилен, поддржан од прудентно регулирање и континуиран раст на кредитите. Учеството на лошите заеми во вкупните заеми дадени на нефинансискиот сектор се на историски најниско ниво во 2024 година. Ликвидноста на банкарскиот сектор е висока, што укажува на стабилна финансиска средина способна да ги поддржува и приватниот и јавниот сектор.
Ова е од клучно значење затоа што одржливиот економски раст и стабилниот банкарски сектор ја сочинуваат основата на функционирачка пазарна економија — предуслов за членство во ЕУ. Динамичната економија овозможува полесно спроведување на структурни реформи, ја зголемува довербата на инвеститорите и демонстрира способност за работа во конкурентен европски единствен пазар. Дополнително, отпорноста на банкарскиот сектор ја штити инвестициите, поддржува долгорочен развој и овозможува владата да спроведува фискални реформи и да ги финансира социјалните приоритети.
Фото Економија и бизнис