Lifestyle
Филипинскиот остров Палаван прогласен за најубав остров
07.10.2025г
Филипините се составени од повеќе од 7.000 острови, и ако го изберете вистинското време од годината, ќе се чувствувате како островот да е Ваш. Типичен филипински остров е составен од џунгла, планини и прекрасни песочни плажи обрабени со кристално чиста вода и корални гребени. Секако, не секој остров е ист - ги има од мали песочни острови сред, океанот до големи, пренаселени „мега-острови“ како Лузон и Минданао. Љубителите на плажи и нуркачите, сепак, ќе сакаат да се упатат кон архипелагот Висаи, пишува „Политика“.
Таму има многу можности за посета и на други околни острови, а предност се и помалку посетените плажи. А пак, Палаван е избран за најубав остров во светот, објави „Лукслајф“ (Luxlife).
Филипините се дел од Југоисточна Азија - одделен од копното, не само географски, туку и духовно и културно. Тука можете да се види ретка и единствена мешавина од шпанско-филипинска колонијална архитектура - со вековните цркви што се издигнуваат над плоштадите - сѐ тоа благодарение на 350-годишното шпанско владеење на Филипините. Сепак, и покрај овие надворешни влијанија, Филипините се единствен ентитет сам по себе. Филипинците се горди на себе, секогаш расположени и подготвени за забава.
Говорејќи за Филипините, вреди да се напомене дека прекрасна, интимна плажа не е единствениот „луксуз“ тука. Има и прекрасни патеки за пешачење во планините на Северен Лузон, истражување на пештерите Самар, сурфање на бранови, нуркање и кајакарење. Ова место има многу да им понуди на оние кои се авантуристички настроени и го истражуваат.
Палаван, пак, го дефинира водата што го опкружува. Со дивиот свет што се среќава и на копното и во водата, оваа област на Филипините е многу популарна. Со околните помали острови, се протега на 650 километри, сè до Борнео, па затоа важи за навистина совршен избор за опуштање, рекреација, авантура, уживање - за одмор.
Градот Пуерто Принцеса, сместен во средишниот дел на островот, е кујнска престолнина и совршено место за почеток на туристичкото истражување. Повеќето патници се упатуваат кон север кон Ел Нидо или Корон, коишто се идеални ако сакате да посетите повеќе острови. Бреговите на Палаван се алтернативин автопати коишто водат до малите рибарски села. Во јужниот дел, каде што топографијата на островот е малку подива, можно е да се истражат планини и џунгли. Во овој дел има неколку одморалишта и хотели коишто, во таа „пустелија“ ќе му овозможат на посетителот да ужива во ненадминлива удобност. си/ссм/
Фото: Википедија.