Финансии / Банкарство
ЦЕНАТА НА ЗЛАТОТО СО ПОВИСОКА СТАПКА НА РАСТ ОД КРИПТОВАЛУТИТЕ
07.09.2025
Состојбата на глобалната економија е неизвесна и за тоа показател се неодамнешните рекорди на цената кај златото, каде што цената на унца од 31,1 грам веќе се искачи на речиси 3.600 долари.
Во последниот месец, вредноста на златото се зголеми за шест проценти, додека вредноста на биткоинот падна за четири проценти. Оваа година, златото се зголеми за повеќе од 35 проценти, двојно повеќе од биткоинот, чија вредност моментално е над 110.000 долари (94.400 евра).
Следната важна информација за благородните метали, криптовалутите и за финансискиот глобален пазар ќе биде објавувањето на информацијата за инфлацијата во САД за август, пренесува Сеебиз.