Вести
На Попова Шапка најстудено - 5 степени, попладне со дожд и снег
12.11.2024
Времето денеска ќе биде претежно облачно со појава на магла по котлините. Попладне и во вечерните часови ќе има врнежи кои на пониските места ќе бидат од дожд, а на повисоките места и планините од снег. Ќе дува слаб до умерен ветер од северен правец, соопшти Управата за хидрометеоролошки работи.
Минималната температура ќе биде во интервал од -3 до 5, а максималната ќе достигне од 6 до 13 степени.
Во Скопје, времето ќе биде претежно облачно со појава на магла. Минималната температура ќе се спушти до 0, а максималната ќе достигне до 10 степени.
Според прогнозата на УХМР, во следните денови ќе се задржи променливо облачно и постудено време со повремени врнежи од дожд со променлив интензитет, а на планините и на некои повисоки места од снег. По котлините ќе има услови за појава на магла
На Попова Шапка утрово најстудено со измерени - 5 степени Целзиусови, во Гевгелија најтопло со 7 степени.
Во Маврови Анови, Лазарополе и Крушево се измерени - 2 степени, 0 во Крива Паланка, Виница и Берово, 2 степени во Битола, Прилеп и Штип, 3 во Тетово и Куманово, 4 степени Целзиусови во Скопје-Петровец, Скопје-Зајчев Рид, Охрид, Демир Капија, Струмица и Кавадарци.
УХМР информира дека во изминатите 24 часа до 08 часот утрово најмногу дож наврнал 12 литри на метар квадратен во Крива Паланка, 8 во Штип и Виница, 5 Велес, 2 Кавадарци и Крушево, 1 Скопје-Петровец, Демир Капија и Берово.