Вести
ВО БЕРОВО СО МИНУСНА ТЕМПЕРАТУРА, ВО СКОПЈЕ МАГЛИВО
29.10.2024
Денеска наутро по одделни котлини има услови за појава на слаба магла, најавува Управата за хидрометеоролошки работи. Потоа преку денот времето ќе биде сончево со умерена облачност. Ќе дува слаб до умерен ветер од северен правец.
Максималната температура ќе се искачи од 18 степени во Маврово, до 26 степени Целзиусови во Гевгелија.
Наутро по одделни котлини ќе има услови за појава на слаба магла. Преку денот сончево со умерена облачност и со слаб до умерен ветер од северен правец.
Во Скопје наутро со услови за слаба магла, а преку денот сончево со умерена облачност. Ќе дува слаб ветер од северен правец.
Минималните температури утрово беа: -2 степени во Берово, 1 Струмица, Битола, 3 Демир Капија, 4 Гевгелија, Тетово, Прилеп, Штип, 5 Скопје-Петровец, Крива Паланка, 6 Велес, Кавадарци, Претор, Маврово, 7 Охрид, 8 Виница.
Во следните два дена ќе има зголемена облачност, а утре се очекува слаб локален дожд. Потоа продолжува периодот на стабилно и суво време, со пониски дневни температури.