Вести
Дебарскиот крај утре шест часа без електрична енергија
21.10.2024
Во периодот од 9 до 15 часот утре без напојување со електрична ќе биде целото дебарско конзумно подрачје.
Како што информираа од ЕСМ за МИА, прекинот е поради редовните годишни планирани активности во хидроелектраната „Шпилје” кај Дебар.
- Ќе бидат реализирани планирани редовни годишни испитувања на релејната заштита на регулациониот трансформатор (РТР) 110/35 kV во ХЕ „Шпилје”, профилактички испитувања на 110 kV Блок трансформатори и 110/35 kV РТР од страна на надворешен извршител. Исто така ќе бидат извршени и редовни годишни ревизиски активности од службата за електро машинско одржување (СЕМО) на ХЕС „Црн Дрим”, додаваат од ЕСМ.
Дебарското конзумно подрачје, ги опфаќа општините Дебар, Центар Жупа и подрачјето на Река, општина Маврово и Ростуше, кое во целина опфаќа повеќе од дванаесет илјади потрошувачи.
Извор МИА