Вести
ПОЛСКА ПРОГЛАСИ ПРИРОДНА КАТАСТРОФА ПОРАДИ ПОПЛАВИТЕ, осум жртви и голема материјална штета во централна и источна Европа од циклонот „Борис“
16.09.2024
Најмалку шест мртви, неколку исчезнати, илјада лица евакуирани и над десет илјади граѓани останаа без струја, е досегашниот биланс на штетите од циклонот „Борис“, кој донесе обилни дождови и големи поплави во средна и источна Европа. Невремето кое се случи викендот предизвика катастрофални штети и поплави во Чешка, Словачка, Полска и Романија. Под вода беа и делови на Австрија.
Во саботата четири лица се удавија во поплавите во Романија, а во неделата имаше една жртва во Полска. Во Австрија настрада пожарникар. Бројот на загинати во поплавите во централна Европа се искачи на осум, откако илјадници луѓе беа евакуирани од своите домови во Полска, Чешка, Австрија и Романија.
Во Полска е прогласена состојба на природна катастрофа, а германските власти во неделата соопштија дека се очекува нивото на реката Елба, во близина со границата со Чешка, да достигне максимална висина од 7,50 метри во вторник.
Дрезден кој се наоѓа на брегот на Елба се наоѓа под ризик на излевање, а претходно реката ги поплави низинските подрачја во Чешка, Полска и Австрија, пренесуваат медиумите во регионот.
фото МИА