Бизнис
Во Велика Британија жените и младите работници се најизложени на ширењето на ВИ
01.04.2024г.
Околу осум милиони работни места во Обединетото Кралство ќе исчезнат поради ширењето на примената на вештачката интелегенција. На овој процес посебно ќе бидат изложени жените, помладите работници и работниците со ниски приходи, затоа што почетните работни позиции се најподложни на автоматизацијата, предупредуваат стручњаците од британскиот Институт за јавни политики и истражување.
Велика Британија се наоѓа пред важниот избор кога голем број на компании ја прифаќаат генеративната вештанчка интелегенција, со која може да се автоматизираат секојдневните работни задачи. Од анализирани 22 илјади потенцијални работни задачи околу 11 отсто можат да бидат укинати, предупредуваат од Институт за јавни политики и истражување во ВБ.
Овој процент може да се зголеми на 59 отсто во вториот бран на автоматизација, со текот на развивањето на технологијата која може да ги управува и сложените работни процеси. Посебно се загрозени рутинските задачи, вклучувајќи ги управувањето со базите на податоци, планирањето и пописот на залихите.
Во најлошото сценарио на вториот бран на примена на вештачката интелегенција може да бидат „затворени“ 7,9 милиони работни места, со потенцијално поништување на сите придобивки за економијата, пишува „Гардијан“.
фото freepic