Бизнис

Какаото ја надмина цената од 9.000 долари за еден тон

Поради лошата жетва во Западна Африка

Цената на какаото ја надмина границата од 9.000 долари за тон за прв пат во досегашното тргување на берзите. Причините за големиот скок на вредноста на какаото се послабата жетва поради лошото време и болестите кои ги зафатија насадите на одгледувачите во Западна Африка, кои се најголеми снабдувачи во светот. Само во овој месец фјучерсите за овој производ пораснаа за околу 50 отсто. На берзата во Њујорк  цената достигна 9.400 долари. Слични трендови има и на пазарите во Лондон. 

Порастот на цената на какаото ќе се одрази и на зголемените трошоци за производство на чоколадото. Економистите прогнозираат влошување на снабдувањето со какао. Новите правила на Европската Унија е насочена кон прекинување на продажбата на производи кои ги уништиваат шумите. Очекувањата на трговците со какао се насочени кон претстојната жетва кај големите производители,  кои најавуваат намалени приноси, пренесува Сеебиз.


фото freepic 

ПРЕПОРАЧАНО

Најчитано