Бизнис
Бербата на малини непочната, а овоштарите од Србија со проблеми
20.03.2024г.
20.03.3024г.
Српските малинари нема да го берат годинашниот род!
Производителите на малини во Србија најавија дека нема да го берат годинашниот род доколку откупната цена на ова овошје биде помала од 350 динари за еден килограм. Здружението Виламет од Ариље побара од Министерството за земјоделство во Србија да организираат заеднички состанок со производителите, откупувачите и извозниците на малини за да се договорат за откупната цена. Претседателот на здружението Милета Пилчевиќ порача дека одгледувачите на малини однапред сакаат да знаат по која цена ќе се откупува годинашниот род, за да не влегуваат непотребно во загуба, пренесува „Данас“.
- Производителите бараат од Стопанската комора на Србија да им се достават податоци за извозната цена на малините во последните пет месеци за да се формираат откупните цени. Бараме субвенциите за еден хектар насади со малини од 18.000 динари да се зголемат на 70 до 100 илјади динари по хектар или субвенциите да се исплаќаат за килограм набрана малина. Изјави Пилчевиќ.
Малинарите во Србија бараат и зголемување на количината на субвенционирана нафта од сегашните сто литри на триста литри по хектар, поради зголемените трошоци за орање на површините заради заштита од плевел.
фото freepic