Бизнис

ESG-стандарди – нужност за македонските компании, извозно ориентираните и/или компаниите со странски капитал дел од поголеми корпорации

Економија и бизнис | печатено издание | 15 февруари 2024г.

• Сподели:

Овој концепт е сѐ поважен затоа што, од една страна, инвеститорите сѐ повеќе бараат компании со силни ESG-практики, додека од друга страна потрошувачите исто така сè повеќе избираат „зелени производи“ произведени од компании кои се посветени на одржливост, а притоа да се во согласност со примената на еколошките, на социјалните и на управувачките практики.
Еколошките практики имаат цел намалување на влијанието врз животната средина преку инвестирање во енергетски ефикасни технологии, намалување на создавањето отпад и користење на рециклирани материјали, односно успешна примена на концептот на циркуларна економија сè со цел до 2050 година постигнување на целосна декарбонизација и зелена средина која ќе биде наследство за наредните генерации.
Во делот на социјалните практики, компаниите се посветени на поддршка на своите вработени и подобрување на нивната благосостојба преку програми како што се: иницијативи за обука и развој, програми за зголемување на здравјето и на безбедноста на вработените и активности за уште поголемо вклучување во заедницата. Во делот на управувањето, компаниите имаат цел воспоставување на силна рамка за корпоративно управување преку креирање на јасни етички политики и транспарентни практики за известување како демонстрирање на посветеноста и градењето доверба кај засегнатите страни.
ESG е одговор на сè посилните барања од македонските компании да ги земаат предвид и факторите што влијаат врз животната средина и општественото опкружување при донесувањето на корпоративни одлуки, како и на притисокот за зголемена транспарентност при известување во врска со овие активности, што е стратешки приоритет кој ќе ги позиционира македонските компании за долгорочен успех на конкурентен и сè поеколошки и социјално свесен глобален пазар.

УПАТСТВО ЗА СПРОВЕДУВАЊЕ САМОЕВАЛУАЦИЈА НА ПРОЦЕСОТ НА ПРАКТИЧНО ОБРАЗОВАНИЕ 

Со цел да се направи проценка на степенот на ефективност и на ефикасност од реализацијата на учењето преку работа, примената на прописите и другите акти, нивото на свесност и задоволство кај наставниците, учениците, родителите и работодавачите вклучени во процесот, Комората заедно со партнерите во овој процес, Центарот за стручно образование и обука, Занаетчиската комора на Скопје и Државниот просветен инспекторат со поддршка на проектот „Образование за вработување во Северна Македонија E4E@МК“ го креираше документот: „Упатство за спроведување самоевалуација на процесот на практичното образование“, процес кој треба да го спроведуваат средните стручни училишта и работодавачите на секои две години.

Упатството може да се користи и за спроведување надворешна евалуација на процесот на организација и на реализација на учењето преку работа, процес кој треба да го спроведуваат Центарот за стручно образование и обука и коморите на секои три години, со цел детектирање на предизвиците при реализацијата на учењето преку работа и предлагање активности за нивно решавање, како и за подобрување на квалитетот во реализацијата на учењето преку работа.
Документот претставува корисна алатка за сите учесници вклучени во реализацијата на учењето преку работа − како да ги организираат и да ги спроведуваат процесите на внатрешна евалуација (самоевалуација) и на надворешна евалуација, што ќе придонесе за зголемување на квалитетот на средното стручно образование.