Бизнис

Циркуларна економија

Економија и бизнис | печатено издание | 15 февруари 2024г.

• Сподели:

Циркуларната економија има цел да ги насочи идните генерации на инженери и на техничари на некој начин да го револуционизираат начинот на кој ќе ги дизајнираат идните производи каде што како приоритет ќе предвидува еколошки дизајн на производите уште во фазата на нивно креирање со цел помалку искористување на природни ресурси и нивно регенерирање, елиминирање на отпадот и намалување на загадувањето и одржување на производите и на материјалите што е можно подолго во употреба.

„THE FUTURE IS GREEN - Подготовка за развивање на фотоволтаичен проект (запознавање со легислатива, физибилити анализа и прелиминарно техничко решение)“

Инвестициите во Обновливи извори на енергија во последните неколку години се едни од најатрактивните инвестиции, а посебно во делот на фотоволтаичните централи. Од таа причина во рамки на проектот Е4Е@мк - Образование за вработување, беше одржана обука на млади лица-студенти со следната содржина: вовед за основната опрема за фотоволтаични централи, сончево зрачење, избор на локација, изработка на кратка студија за оправданост и прелиминарно техничко решение. Во рамки на обуката се одржа и посета на терен на фотоволтаична централа, каде студентите директно се запознаа со начинот на функционирање на една централа од овој тип.

Од отпад до вредност - Управување со метални отпади, иновации во обработка на метални отпади и бизнис модели

Целта на обуката е да се задоволат следните два сегменти: од една страна младите лица да поседуваат зелени вештини согласно барањата на пазарот на трудот и да се стекнат со квалификации кои ќе им овозможат побрзо и соодветно вработување, а од друга страна компаниите да обучат кадар потребен за нивните работни процеси, кои согласно ЕУ регулативите и климатските промени се насочуваат кон примена на зелени технологии. Преку оваа заедничка цел, се овозможува вмрежување помеѓу бизнисот и младите лица, запознавање со работните процеси од една страна и компетенциите на младите лица од другата страна, како и можно идно вработување.