Бизнис
ОБУКИ ВО РАМКИ НА „ОБРАЗОВАНИЕ ЗА ВРАБОТУВАЊЕ ВО МАКЕДОНИЈА – Е4Е@МК“
Зелените вештини составен дел на образованието
Економија и бизнис | печатено издание | 15 февруари 2024г.
Следејќи ги меѓународните текови, потребите за прилагодување на компаниите и на вработените, како и потенцијално вработливите лица, во рамките на проектот Е4Е, беа организирани две обуки. Тематиката на обуките беше избрана како резултат на барањата за примена на новите ESG-стандарди, начела и производството на „зелени производи“ кои ќе претставуваат голем предизвик во наредниот период за сите компании во регионот, како и Зелената агенда за земјите од Западен Балкан и Стратегијата за развој на енергетиката до 2040 година, согласно кои Република Северна Македонија има значајна задача, а тоа е декарбонизација на енергетскиот сектор и постигнување климатска неутралност.
Како резултат на тоа Стопанската комора заедно со претставници од приватниот сектор имаа цел преку разни тематики поврзани со заштита на животната средина и примената на најновите приоди за одржливост да им демонстрира на идните инженери и техничари можности преку разни иновации, нови дизајни и примена на циркуларната економија можност да придонесат за раст на економијата и на вработеноста, обезбедување, зачувување на животната средина и поставување на камен-темелник за ниска јаглеродна економија.