Бизнис
Потребата од соработка меѓу коморите е голема зашто има влијание врз економиите од целиот регион
Јоанис Масутис, претседател на Унијата на трговско-индустриските комори на Грција
Економија и бизнис | печатено издание | јануари 2024г.
Нормализирање на односите меѓу Северна Македонија и Грција како важни економски партнери е предуслов и за нови инвестирања во капитал. Прашање на време е кога ќе видиме грчки компании кои ќе препознаат добри услови за повторно инвестирање во вашата земја.
Грција веќе се врати на патеката на стабилноста и на растот дури и пред пандемијата со ковид-19, а тоа го покажува зголемувањето на кредитниот рејтинг на нејзината економија од страна на меѓународните агенции за рејтинг и добивањето инвестициска оцена.
2023 година може да се опише како година на растечки цени кај повеќето стоки за широка потрошувачка, што претставуваше и глобална појава. Но, цените веќе почнаа да се нормализираат и верувам дека ќе се вратат на пониско ниво во 2024 година. Секако, од исклучително значење е крај на конфликтите во окружувањето, кои се сериозна причина за економската криза која сериозно сè уште се чувствува и претставуваат кочница за економскиот развој и просперитет на нашите народи.