Бизнис
Витаминка оствари позитивен финансиски резултат во 2023 година
19.03.2024г.
П.И “Витаминка” АД Прилеп за периодот Јануари – Декември 2023 година оствари позитивен финансиски резултат искажан во неревидираниот единечен Биланс на успех.
Вкупни приходи
Остварените единечни вкупни приходи за 2023 година изнесуваат 3.485.210 илјади денари и во споредба со остварените во 2022 година бележат пад од 9%. Во структурата на вкупните приходи најголемо учество, 98%, имаат приходите остварени од продажба на производи и услуги од основна дејност, кои во споредба со остварените во 2022 година за извештајниот период бележат пад од 10%. Падот на вкупните приходи е во корелација со оперативното работење за извештајниот период и најголемо влијание има падот на цената на маслото за јадење.
Вкупни расходи
Остварените единечни вкупни расходи за 2023 година изнесуваат 3.429.814 илјади денари и во споредба со остварените во 2022 година бележат пад од 16%. Падот на вкупните расходи е во корелација со оперативното работење за извештајниот период.
Инвестиции
Вкупните инвестиции во основни средства за 2023 година изнесуваат 96.907 илјади денари. Генерално инвестицијата се однесува на купувањето на опрема, недвижен имот, градежна реконструкција и адаптирање
Нови вработувања
Во периодот Јануари – Декември 2023 година во П.И “Витаминка” АД Прилеп не се реализирани дополнителни нови вработувања.