Бизнис
Швајцарските извозници се жалат на силниот франк
19.03.2024г.
По намалувањето на инфлацијата во Швајцарија компаниите од индустријата побараа од Централна банка да се посвети на економијата и да им помогне на извозниците со силниот франк, во период кога успорува глобалната економија и кога има намалена потрошувачка. Минатата година швајцарскиот франк зајакна во однос на доларот и еврото, што влијаеше на намалување на притисокот од увозот, но им создаде проблеми на швајцарските извозници, пред се поради послабата побарувачка во Германија и во Кина, пренесува Пословни дневник.
Од почетокот на годината швајцарската валута благо ослабна, но е за три проценти посилна во однос на еврото и шест отсто во однос на доларот.
Силниот франк ги загрижува домашните компании, покажало неодамнешнопто истражување на Свисмеканика, во кои се зачленети повеќе од 1.300 помали производители.
- Инфлацијата е под контрола и Централната банка мора да преиспита што може да направи за да им помогне на извозниците, изјави Никола Тетаманти, од Свисмеканика, сугерирајќи им на монетарците да се фокусираат на управување на девизните резерви за да се спречи преголемото јакнење на франакот.
Потрошувачките цени во февруари пораснале за 1,2 отсто во однос на истиот месец лани. Швајцарската централна банка има за цел да ја одржува инфлацијата од нула до два отсто.
Индустријата е главен носител на извозно ориентираното швајцарско стопанство и учествува со 22 отсто во бруто домашниот производ. Речиси три четвртини од индустриските производи се пласираат во странство.
фото freepic