Бизнис
Учењето на храватскиот јазик станува задолжително
18.03.2024г.
Со Предлог на закон за странци се предвидува задолжително учење на хрватскиот јазик, што претставува новина затоа што досега курсевите за странските работници беше препуштена на работодавачите и на локалната самоуправа. Ова отвора нов пазар за училиштата за странски јазици и за професорите по хрватски јазик. Со отворањето на хрватскиот пазар на работна сила во училиштата за странски јазици има зголемен интерес за учење на хравтскиот јазик, пишува Лидер медија.
Само за првите два месеца од годинава во Хрватска се издадени 32,7 илјади работни дозволи, а од нив дури 15,7 илјади односно 48,1 отсто, биле издадени за државјани од Непал, Индија, Бангладеш и Филипини. Минатата година Министерството за внатрешни работи во Хрватска издало 172.499 дозволи за престој и работа за странци, од нив за ново вработување биле издадени 112,9 илјади дозволи.
- Побарувачката за посетување курсеви за хрватски јазик за странци е се поголема. Најчесто, посетители се економските имигранти кои дојдоа во Хрватска да работат во градежниот сектор и во угостителството. Тие се интерсираат за забрзани курсеви и сакаат да ја научат основната терминологија која им е потребна за нивната работа, вели Ана Мајуриќ, заменик раководител во Центар за странски јазици во Загреб.
фото freepic