Бизнис
Германија се пласира на светскиот шампионат во бирократија
13.03.2024г.
Германските претпријатија се жалат на спорото усвојување на законот за растоварување од бирократијата, кој е дел од пакетот на закони, со чија примена годишно треба да им донесе заштеда повеќе од три милијарди евра. Министерот за правда Марко Бушман истакнува дека германските стопанственици се жалат дека мерките кои се предвидени со овој закон се недоволни.
- Бизнисмените се во право, бидејќи Германија се пласирала на светскиот шампионат во бирокартија. Тоа е како сало кое се таложи на телото, а кое не може да исчезне преку ноќ. Но со нешто мораме да почнеме, изјави министерот Бушман, пренесува ДПА.
Предложените закони се најголемиот пакет за разградување на бирократијата во историјата на Германија, забележа тој.
Владата на Германија неделава треба да расправа за законот кој ќе има ефекти на други закони. Целта е да им се олесни на луѓето во секојдневниот живот со укинување на непотребните процедури. Еден од примерите, е при пријавување во хотел гостите повеќе не ќе мораат да пополнуваат формулар.
фото freepic