Бизнис
Пекабеско со позитивен финансиски резултат во 2023 година
13.03.2024г.
Пекабеско АД за периодот Јануари-Декември 2023 оствари позитивен финансиски резултат искажан во неревидираниот Биланс на успех, се вели во соопштението испратено до Македонскта берза.
Остварените вкупни приходи од работењето во периодот Јануари-Декември 2023 година изнесуваат 5.527 милиони денари и во споредба со остварените во истиот период во 2022 година бележат зголемување од 3 %. Во структурата на вкупните приходи најголемо учество од 98,7%, имаат приходите остварени со продажба на готови производи, стоки и услуги кои во споредба со остварените во 2022 година бележат зголемување од 3%. Приходите од извоз изнесуваат 749 милиони денари и во споредба со остварените во истиот период во 2022 се зголемени за 4%.
Остварените вкупни расходи во периодот Јануари-Декември 2023 година изнесуваат 5.383 милиони денари и во споредба со остварените во истиот период во 2022 година бележат зголемување од 3%.
Вкупните инвестиции во основни средства во периодот Јануари-Декември 2023 година изнесуваат 112 милиони денари. Главните вложувања се направени во производствена и транспортна опрема.
Вработеноста на крај на периодот Јануари-Декември 2023 изнесува 411 вработени и е пониска во однос на 2022 за 33 вработени.