Бизнис
Забраната за работа во недела беше нова бизнис можност за пекарска фирма во Хрватска
11.03.2024г
Хрватите во Истра имаат можност да купуваат леб од „лебомати“!
Новиот закнонска регулатива во Хрватска со која се ограничува работата во недела за продавнциите и други трговски објекти, беше нова деловна можност за пекарската фирма од Истра, која постави мини продавници за леб на повеќе локации во истарскиот регион. Во овие „лебомати“, како што се нарекуваат во текстот на Пословни.хр, на хрватските граѓани им се нудат свежи пекарски производи и во недела, кога многу продавници се затворени. Потрошувачите можат да избираат шест видови леб и шест видови колачи.
За поставувањето на апаратите за самопослужување е заслужна фирмата „Регинекс“, која повеќе од 30 години се занимава со производство на пекарски и слаткарски производи. Таа ги пласира преку сопствена малопродажна мрежа на подрачјето на Истарската жупанија.
- Неработните недели влијаеше на нашето работење поради пад на продажбата, бидејќи беа затворени класичните малопродажни објекти за леб и други пекарски производи. Сега, намалената продажба во неделите е помала, доколку не би работеле апаратите за самопослужување, изјави Паоло Радош од „Регинекс“.
Во 2021 година почнале со поставување на апаратите на две локации. Хрватските потрошувачи од „лебоматите“ најчесто ги купуваат лебот од 500 грама и домашниот леб од 400 грама. Досега се поставени девет апарати за пекарски производи на подрачјето на општините Пазин, Марчан, Жмиљ и Медулин. Компанијата е фокусирана на поставување на „лебоматите“ на истарскиот регион , а наскоро ќе биде поставен апарат и на пробна локација во Ријека, објави Пословни.хр.
фото: jutarnji.hr