Бизнис
Црна Гора ќе го ограничи увозот на возила постари од 15 години
11.03.2024г
Министерството за сообраќај и поморство во Црна Гора до крајот на март ќе ги донесе измените во Правилникот за технички барања за возилата кои се увезуваат или за првпат се појавуваат на пазарот, а тоа значи забрана на увоз на возила постари од 15 години. Оваа мерка ќе почне да се применува од 1 јули годинава и со неа ќе се забрани узвоз на возилата Еуро 4, а минимален стандард за увоз на возила ќе биде Еуро 5, објави црногорскиот весник „Вијести“.
Узвозните ограничувања за староста на возилата не се однесуваат на постојните возила на домашните патишта во Црна Гора, а тие можат да се сообраќаат до крајот на перидотот на регистрација. Просечната старост на возилата во ЦГ е околу 16 години.
Според податоците на Управата за статистика на Монстат, во Црна Гора во текот на минатата година биле регистрирани вкупно 285 илјади возила, што е зголемување од 6,5 отсто во однос на претходната година. Бројот на возила кои се увезени како нови и половни возила, кои се за прв пат регистрирани во земјата, изнесува 31,23 илјади, што е за 30 отсто повеќе од 2022 година.
Околу 9,5 отсто од бројот на регистрираните возила минатата година или секое десетто патничко возило е произведено во минатиот век. Бројот на автомобили кои се произведени во текот на минатата година, а потоа се регистрирани во Црна Гора, изнесува околу три илјади или 1,2 отсто од вкупниот возен парк во земјата.
фото freepic