Бизнис
Задружните електрани стануваат реалност во регионот
Граѓаните се здружуваат во прва енергетска соларна електрана
Граѓаните во Хрватска имаат можност да бидат со-сопственици на првата задружна соларна електрана која ќе биде изградена на градскиот пазар во Крижевци.
Задружните елктрани стануваат реалност во регионот, а во Србија и Словенија првите проекти функционираат од минатата година.
Зелената енергетска задруга ЗЕЗ Сунце објави продажба на членски удели на граѓаните, кои можат да ги вложат во изградба на соларна електрана на градскиот пазар во Крижевци. Ова е прв ваков проект во Хравтска, кој се спроведува според примерите на други енергетски заедници во Европската Унија.
Целта е да се соберат 140 илјади евра за изградба на соларна електрана со моќност од 200 киловати, со уплата на минимален влог од 300 евра за физички лица, односно минимално илјада евра за правни лица, до маскимални пет илјади евра. Задругата ЗЕЗ Сонце ќе ја продава соларната енергија на пазарот, а од остварената добивка на членовите на задругата ќе им биде исплатувано сума од пет отсто. Така, на илјада евра влог членовите можат да добиваат годишно добивка од 50 евра приход. Но од задругата истакнуваат дека приходите не се загарантирани и ќе зависат од финансиските резултати на сончевата електрана.
Сите инвеститори ќе бидат и со-сопственици на соларната електрана на градскиот пазар, но и на сите идни соларни електрани кои ќе бидат инсталирани од оваа задруга. Долгорочната цел на ЗЕЗ Сунце е да им обезбеди на членовите да користат енергијата од соларните електрани на задругата.
фото freepic