Бизнис
Купувачите од Босна и Херцеговина набавуваат режан тутун преку илегалните канали
07.03.2024г.
Пазарот на БиХ преплавен со цигари од Косово
На пазарот во Босна и Херцеговина има зголемена продажба на илегални цигари, односно продажбата на цигари на црниот пазар е зголемена за повеќе од четири пати, покажало најновото истражување на ИПСОС.
На илегалнниот пазар во БиХ доминираат цигарите со даночни маркички од Косово или цигари без даночни маркички. Ова покажува дека криумчарите наоѓаат различни канали, без разлика на континуираните активности на надлежната агенција за истраги и заштита СИПА.
Просечната цена на илегалните цигари се приближува на вредноста на легалната продажба на цигари и изнесува 4,3 конвертабилни марки, пренесува Независне новине.
Во БиХ има и голема продажба на режан тутун, кој се продава преку илегалните канали.
Во 2023 година вкупната илегална потрошувачка на цигари се проценува на 2.019 тони, што е 11 отсто помалку од 2022 година. Но е повисока за 13 отсто од 2021 година.
На тутунскиот пазар доминираат шверцерите со режан тутун. Околу 97 отсто од пушачите во БиХ кои користат режан тутутн се одлучуваат за производите што се нуди на илегалните пазари.
Зелените пазари се главен канал за купување на илегални цигари, но тие се продаваат и преку социјалните мрежи и на платформите за трговија со производи и услуги.
Во БиХ на црниот пазар на тутун и тутунски производи годишно се вртат околу 400 милиони конвертабилни марки (околу 200 милиони евра).
фото freepic