Европската Унија постигна согласност до 2030 година за забрана за користење на пластична амбалажа за храна и прибор за еднократна употреба во угостителството. Европратениците се усогласија со завршниот текст од Зелениот пакт, кој има за цел намалување на обемот на отпадот од сите видови на пакување во ЕУ за пет отсто во однос на 2018 година до 2030 година, а потоа за 10 отсто до 2035 година и за 15 отсто до 2040 година. Сета амбалажа треба да биде рециклирана до 2030 година.

Со новите законски прописи ќе се ограничи употребата на пластиката за еднократна употреба, како што се кеси за овошје и мини шишенца за шампони во хотелите, но има и некои исклучоци за одредени сектори. 

Секој граѓанин на ЕУ годишно произведува речиси 190 килограми на амбалажен отпад.

Овој договор треба да биде одобрен од Европскиот парламент и владата на ЕУ, но тоа нема да се случи до европските избори во јуни годинава, пренесува Ројтерс.