Бизнис
Завршува златното време на пазарот на недвижности во Будва
04.03.2024г.
Украинците заминуваат цените за станови во слободен пад
Бројот на Украиците кои престојуваат во Будва се преполовил, а тоа се одрази и на пазарот на недвижности и туристичкиот промет во овој приморски град во Црна Гора. Доаѓањето на украинските државјани претставуваше голема финансиска инјекција за сите дејности во градот. Цените на становите пораснаа, додека прометот во трговијата во зимските месеци бил како во летниот период. Меѓутоа, последните неколку месеци бројот на украинските државјани е во континуиран пад, пишува Победа.
- Според системот за регистрација на живеалиште РБ90, од 1 ноември минатата година до 27 февруари, бројот на граѓани на Украина е намален за 50 отсто во споредба со истиот период лани, изјавија од Туристичката организација Будва, за весникот од Подгорица.
Повеќето од Украинците се вратиле во татковината, или заминале во други земји, претежно во Европа и Канада. Една од причините е што украинските граѓани не можеле да почнат сопствен бизнис или да се вработат во некој од локалните компании.
Сопственикот на агенција за недвиѓности, Душан Ранковиќ, во изјава за Победа, вели дека Украинците ги откажуваат становите, најверојатно поради намалената финансиска моќ.
- Сега најмногу станови изнајмуваат Турците, но тие не можат да ги платат кириите, кои ги плаќаа Украинците. Наемнините за станови се движат од 450 до 550 евра, вели Ранковиќ.
Најголемо интересирање за купување на недвижности во Будва има за малите станови, но нема слободни на пазарот. Најдобро поминуваат становите со вредност до 100 илјади евра.