Бизнис
Половина од вработените во БиХ работат во јавната администрација
29.02.2024г.
Половина од сите работници во Босна и Херцеговина се вработени во државната и во јавната администрациј , покажуваат податоците на Светската банка во Босна и Херцеговина.Според податоците на Агенцијата за труд и вработување на крајот на ноември, во БиХ биле вработени вкупно 854.680 работници, што значи дека во јавниот сектор работат повеќе од 400.000 луѓе.
Светска банка посочува дека повисоките плати, побезбедните работни места и другите предности за вработување во јавниот сектор создале диспаритети на пазарот на трудот, но и во изборот на образование, пишува Капитал.ба.
Учеството на вработените во „државниот сектор“ во ЕУ е околу 17 отсто од вкупната вработеност во 2000 година, додека во 2020 година изнесуваше 16 отсто, покажуваат податоците на Евростат. Во 2020 година, најголемо учество на вработените во јавниот сектор е забележано во Шведска (29 отсто од вкупната вработеност), во Данска (28 отсто), Финска (25 отсто), Естонија и Хрватска ( 23 отсто), а најниски во Германија (11 отсто).
За споредба, во Србија, според податоците на Републичкиот завод за статистика, во 2023 година во јавниот сектор биле вработени 612.148, или 25,9 отсто од вкупно 2,36 милиони работници.
фото freepic