Бизнис
Кинезите го губат интересот за купување европски компании
28.02.2024г.
Минатата година кинеските компании презедоа 119 компании во Европа, 20 помалку од 2022 година и речиси 200 компании помалку од рекордот што беше постигнат во 2016 година. Вкупните кинески вложувања лани достигнаа околу две милијарди долари, се наведува во анализата на консултантската фирма Ернст и Јанг (EY), пренесува НИН.
Сепак, Германија, Швајцарија и Австрија го задржуваат интересот кај кинеските компании. Минатата година, во овие земји, бројот на кинески аквизиции беше во пораст. Во Германија, имаше 28 преземања во вредност од 202 милиони долари. Ова е за двапати повеќе од 2022 година. Во Швајцарија, кинеските компании купија шест домашни компании, по три во 2022 година. Во Австрија имаше две преземања од кинески компании.
фото freepic