Бизнис
Висок скок на цената на маслиновото масло
27.02.2024г.
Цената на маслиново масло во Европската Унија во јануари се зголеми за 50 отсто во однос на истиот месец лани, објави Евростат.
Маслиновото масло во ЕУ нагло поскапо во втората половина на 2023 година, а цената во август беше за 37 отсто повиока во однос на истиот месец во 2022 година. Во јануари годинава во сите земји од Унијата е забележано поскапување на овој производ, а тоа беше највисоко во Португалија за 69 отсто, во Грција за 67 отсто и во Шпанија за 63 отсто.
Цените на маслиновото масло најмалку пораснале во Романија за 13 отсто, Ирска за 16 отсто и во Холандија за 18 отсто, пренесува Еуроњуз.рс.
фото freepic